Romano Hangos motto
ročník 9, číslo 7
vyšlo 2007-04-16

aktuální číslo
zprávy
rozhovor
názory
anketa
přílohy
reportáž
starší čísla
redakce
odkazy
e-mail



foto   Cikno festivalos – Bari buťi

Ostravate, načirla kerdžas o občansko sdružeňe Jekhetane, kaj keren ajse šerale, sar ehin e Helena Balabánová the o Jan Effenberger romano festivalos. Odoj bašavenas the peskero džaniben sikhavenas buter sar deš romane grupi the lavutara. Mercedes, Elis, Octava – ochto čhave, Gipsy sendi, Gypsi Demo the mek aver romane bandi calo džives bašavenas u sikhavenas sar barol amari romaňi kultura, amaro romipen.

Kijo dilos sikhade pes buter sar deš romane čhavorikane subora, save dživen the keren peskeri buťi Ostravate. Kampel te phenel, hoj adi buťi keren mištes, choc len varekana nane ajse love sar le suboren Prahate vaj Bernate. Cikno festivalos, avka les vičinde o organizatora, kerel pes sako berš odoj, kaj bešen but romane fajti – Privoziste. Adaj, pro thana, so pes vičinen – Palackého, Přednádraží bešen buter sar pandž šel Roma. U avile tiž avrether o Roma peskere romnijenca the čhavenca, talam buter sar šov šel nipi odoj sas. Talam sako Rom kamel peskero romipen, romane šukar giľa the bašaviben. Dživel pes adaj phares, nane kajci buťi sar andro aver fori, ta o festivalos lenge kamel čino te phundravel o jakha u te sikhavel oda šukar, so hin andro ROMIPEN u o dživipen nane ajso pharo sar pes zdel, hoj ela feder.
O občansko sdružeňe Jekhetaňiben kerel bari chasna perdal ostravakere Roma, šigitinel lenge te rodel peskero than andro dživipen, sar but jekhetanibena, so keren andre romaňi kultura. Kampel lenge vaš kada bares te paľikerel u te šigitinel. Te šigitinel, bo keren paťivali buťi, dikhľom pre peskere jakha, bo somas pre ada CIKNO FESTIVALOS, tiž phirav u dikhav lengeri buťi andro Komunitno centro Privoziste u šaj phenav, hoj jekhetane o gadže the o Roma kamen peskere niposke te rodel o drom kijo feder dživipen. Ki oda, hoj te aven barikane pre peskero romipen, pre peskeri čhib, pr´oda, hoj hine ROMA. But bacht the zor andre tumari buťi andro tumaro JEKHETAŇIBEN Ostravate.

Jan Horváth

přečtěte si
-> Noviny ke stažení

téma

redakce
Romano Hangos/Romský hlas
vychází s podporou Ministerstva kultury ČR, vydává Společenství Romů na Moravě
Adresa redakce:
Francouzská 84, 602 00 Brno
tel.: +420 545 246 645
fax: +420 545 246 674
email: rhangos@volny.cz

vyhledávání



Radioľurnál

Radioľurnál